Clifford Galea,
President, Kunsill Reġjonali Tramuntana
Isma’, Oħloq, Imraħ – dawn huma l-prinċipji li jsejsu l-viżjoni
strateġika għas-snin li ġejjin tal-Kunsill Malti għall-Arti. Madankollu,
bħala Reġjun Tramuntana, ilna żmien mhux ħażin li ħadna dan l-approċċ.
-irħula tagħna huma kburin bl-identità lokali
qawwija tagħhom, li għandha għeruqha fl-
istorja ta’ Malta. Waqt li ħerqana għall-futur,
bħala Reġjun Tramuntana impenjati biex naħdmu
aktar qatigħ biex niddefinixxu, infasslu u nifhmu
l-identità tagħna, nikkomunikawha u nrawmu s-sens
ta’ appartenenza tagħna.
Biex nilħqu dan, irridu nsegwu strateġija robusta
li tħejjina biex niksbu suċċess fit-twettiq ta’ bidla
reali, li tispira lir-residenti tagħna u tinvolvihom
f’esperjenzi kulturali. Għalhekk, il-kokreazzjoni tal-
Istrateġija Kulturali Reġjonali mhix tragward faċli.
Is-suċċess tagħna f’dan jiddependi minna li nifhmu
x’jiddefinixxi r-reġjun tagħna, x’inhuma l-valuri
u l-għanijiet marbuta miegħu, kif ukoll x’inhuma
ħsibijietna, l-imġibiet u l-istandards tagħna.
Il-kultura hija parti kruċjali tal-identità tagħna.
Mingħajr il-kultura, ma jkollniex ruħ, u huwa għalhekk
li diġà ħadna miżuri biex insaħħu l-opportunitajiet
artistiċi u kulturali tagħna. Fit-tramuntana, iż-żewġ
pilastri ewlenin fl-irħula tagħna huma l-każini tal-
banda u l-organizzazzjonijiet tal-kmamar tan-nar, bit-
tnejn li huma elementi vitali fit-twessigħ ta’ kemm
titwassal il-kultura fost il-komunitajiet.
Magħqudin taħt il-bandiera tagħna, li hija
l-aktar simbolu rikonoxxut fir-reġjun, qed naraw
entużjażmu mqajjem mill-ġdid u eċitament madwar
il-komunitajiet lokali tagħna għall-identità u
l-opportunitajiet ġodda li qed jinħolqu. Flimkien, se
niffjorixxu bħala r-Reġjun Tramuntana, u se nkomplu
nsaħħu l-passjoni tagħna fl-impenn tagħna għat-
twettiq tal-Istrateġija Kulturali tagħna .
Il-Kunsill Malti għall-Arti