Mary Ann Cauchi,
Direttur Fondi u Strateġija, Kunsill Malti għall-Arti
L-iżvilupp kulturali reġjonali u lokali huwa prijorità ewlenija
tal-Kunsill Malti għall-Arti biex jinċentivizza u jtejjeb aktar il-
valorizzazzjoni ta’ forom distinti ta’ espressjoni kulturali u kreattiva.
s-sitt Strateġiji Kulturali Reġjonali jiġbru trikkib
sostanzjali u objettivi strateġiċi distinti u
jipprovdu qafas rikonoxxut għall-kollaboraturi,
fosthom l-KMA, biex isostni u jiffaċilita dawn
ir-relazzjonijiet. Dawn jippermettu wkoll biex
jipprijoritizzaw u jistimulaw aktar il-vitalità kulturali
u kreattiva tar-reġjuni u l-lokalitajiet ta’ Malta, li
jinkludu fost oħrajn il-komunitajiet, il-prattiki, ir-
riżorsi u l-infrastruttura tagħhom.
Matul is-snin li ġejjin, l-KMA huwa impenjat biex
jappoġġja u jinvolvi ruħu mal-Kunsilli Reġjonali
permezz ta’ kollaborazzjonijiet mal-Kunsilli Lokali,
l-organizzazzjonijiet, il-prattikanti kreattivi u partijiet
ikkonċernati oħra, biex l-inizjattivi jitmexxew
mill-komunitajiet. Permezz ta’ direzzjoni, faċiltar u
appoġġ strateġiku, l-impenn tal-KMA huwa rifless
f’aktar effiċjenza, aktar riżorsi u l-aħjar użu possibbli
tagħhom, u l-mobilizzazzjoni tal-proċessi biex jiġu
vvalorizzati aktar l-importanza tal-arti u l-kultura
fil-ħajja ta’ kuljum ta’ kulħadd. Il-kollaboraturi
involuti f’dan il-proċess huma impenjati jrawmu,
jipproteġu u jippromwovu d-diversità tal-espressjoni
kulturali, iżidu l-aċċessibbiltà u jinċentivizzaw il-
parteċipazzjoni attiva.
Diġà sar xogħol sinifikanti biex jitqiegħdu
l-pedamenti fl-aħħar stadji qabel it-tnedija u
sussegwentement it-twettiq tagħhom. Fost oħrajn,
dawn jinkludu it-twaqqif ta’ rwoli definiti b’mod
wiesa’ u strutturi biex jiffaċilitaw il-fehim tas-sisien
meħtieġa biex isostnu approċċ parteċipattiv. Wara
l-ħidma bla waqfien fil-ħolqien ta’ dawn l-istrateġiji,
proċess kontinwu ta’ familjarizzazzjoni intensiva
ppermetta lill-KMA jasal għal diversi objettivi
strateġiċi generiċi. Dawn huwa primarjament relatati
mat-tiswir tal-għarfien, ir-riċerka, it-titjib tal-
infrastruttura kulturali, l-iffaċilitar tal-ipprogrammar
u l-governanza kulturali lokali u reġjonali, u
l-iżvilupp ta’ strutturi ta’ evalwazzjoni u monitoraġġ
kontinwu. Inizjattivi relatati ma’ ħolqien ta’ spazji,
innovazzjoni soċjali, il-kwalità tal-ambjent u d-disinn
urban kreattiv se jkunu ta’ prijorità u inċentivizzati.
Bl-istess mod, wieħed jista’ jiġbed l-attenzjoni
biex jeleva l-assi tal-komunità u l-infrastruttura
kulturali; jivviżwalizza possibbiltajiet ġodda għal
spazji; jgħaqqad komunitajiet; u joħloq u jsaħħaħ
opportunitajiet għal sħubijiet.
It-twettiq ta’ dawn l-istrateġiji huwa dipendenti
għalkollox mir-rieda u l-motivazzjoni tal-partijiet
ikkonċernati kollha li jaħdmu id f’id, jifhmu
prijoritajiet u objettivi differenti, jikkollaboraw u
jiġu appoġġjati. Il-ħolqien ta’ sitt strateġiji uniċi
huwa pass importanti fir-realizzazzjoni li kull
reġjun huwa distint u differenti u li l-proċessi
inizjali ta’ familjarizzazzjoni huma kruċjali biex
jiġu mifhuma l-uniċità tal-komunitajiet, u l-isfidi u
r-riżorsi tagħhom. It-triq li qed tinfetaħ quddiemna
daqskemm hija eċitanti hija ta’ sfida, imma l-KMA
se jistinka biex ikompli jisma’, jifhem u jikkollabora
biex isaħħaħ il-pożizzjoni tal-arti u l-kultura fi ħdan
il-komunitajiet u l-postijiet.
Strateġija Kulturali Reġjonali - Tramuntana