1.
Introduzzjoni
L-istrateġija kulturali għar-Reġjun Tramuntana tiġbor it-temi kulturali u
l-prijoritajiet l-aktar importanti għar-reġjun mill-2022 ’il quddiem. Din l-istrateġija
kulturali, l-ewwel waħda għar-reġjun, kienet żviluppata mill-Kunsill Reġjonali, il-
Kunsilli Lokali, l-organizzazzjonijiet kulturali nongovernattivi, l-Organizzazzjonijiet
Kulturali Pubbliċi, il-prattikanti kulturali u r-residenti tal-lokalitajiet. Ir-Reġjun
Tramuntana jinkludi dawn il-lokalitajiet: il-Mellieħa, l-Imġarr, il-Mosta,
in-Naxxar, San Pawl il-Baħar, Ħ’Attard, Ħal Balzan, San Ġwann u l-Imtarfa.
l-proġett Provvista ta’ Żvilupp u
Implimentazzjoni ta’ Strateġija Kulturali
għall-Kunsilli Lokali u Reġjonali huwa mmexxi
mill-Kunsill Malti għall-Arti f’kollaborazzjoni
mad-Diviżjoni tal-Gvern Lokali u l-Assoċjazzjoni
Kunsilli Lokali Malta� Dan jifforma parti mill-proġett
ESF�04�079 bl-isem Create 2020: Ninvestu fil-ħiliet
ta’ kapaċità kulturali u kreattivi fis-settur pubbliku
ta’ Malta finanzjat mill-Fond Soċjali Ewropew
Programm Operazzjonali II – Il-fondi strutturali u
ta’ investiment Ewropej 2014 – 2020 Ninvestu fir-
riżorsi umani sabiex noħolqu aktar opportunitajiet
filwaqt li nippromwovu t-tisħiħ tas-soċjetà� Ir-rata
ta’ konfinanzjament ta’ dan il-proġett hija 80% fondi
tal-UE u 20% fondi nazzjonali�
Din l-istrateġija:
→ Tesplora u tkejjel il-bażi tal-assi għall-kultura fir-
Reġjun Tramuntana�
→ Tipprovdi sommarju tal-assi kulturali ewlenin
tar-reġjun, tal-irwol distintiv li għandha l-kultura,
tanalizza n-nuqqasijiet, u tirrakkomanda bini u
tisħiħ ta’ kapaċitajiet biex il-kultura tieħu rwol
ewlieni fl-iżvilupp tar-reġjun�
→ Tressaq każ strateġiku għall-kultura – bħala
ingredjent vitali għas-soċjetà ċivili, għal tkabbir
inklussiv, u approċċi sostenibbli għall-komunità
u l-lokalità�
→ Tipprovdi opportunitajiet għall-kollaborazzjoni u
punt ta’ riferiment mar-reġjuni madwar l-Ewropa
– biex ir-reġjun jista’ jkun kemm pijunier kif ukoll
imsieħeb ta’ żvilupp immexxi mill-kultura bl-
aħjar prattika�
Ir-riċerka li hija l-pedament ta’ din l-istrateġija
involviet konsultazzjoni kwalitattiva estensiva
biex tfassal u tifhem l-assi kulturali tar-reġjun�
Dan inkluda analiżi dokumentattiva tal-assi
kulturali, stħarriġ, u perjodu ta’ diskussjoni kritika
u konsultazzjoni li pprovdew sett ta’ perspettivi
friski fuq l-irwol li tista’ tieħu l-kultura fit-tiswir tar-
reġjuni tal-Gżejjer Maltin� L-istrateġija tirrikonoxxi
l-kontribuzzjoni ta’ valur li l-kultura diġà tagħti
lir-reġjuni differenti, imma tenfasizza l-potenzjal
f’impenn u żvilupp usa’ li jistgħu jipprovdu futur aħjar
għal kulħadd�
L-għan ġenerali ta’ din l-istrateġija huwa li jagħmel
is-sitt reġjuni tal-Gżejjer Maltin aktar dinamiċi,
aktar miftuħa, aktar distinti, postijiet aktar pjaċevoli
biex tkun fihom, juża l-poter tal-kultura biex jibni
komunitajiet aktar b’saħħithom, aktar sani u aktar
koeżivi, li jiddiversifika u jsaħħaħ l-ekonomija,
jagħti ħajja mill-ġdid lill-patrimonju Malti u jgħin
jindirizza l-isfidi soċjali u ekonomiċi li l-Gżejjer
Maltin jiffaċċaw� Għall-għanijiet ta’ din l-istrateġija,
il-kultura hija definita fl-aktar sens usa' b’mod li
tħaddan l-identitajiet u l-komunitajiet tagħna, il-
wirt kulturali tagħna, il-mużewijiet, is-swali lokali
tal-mużika, it-teatri, il-libreriji, il-festivals, il-festi,
l-avvenimenti u l-prattikanti kulturali – l-artisti, il-
makers, il-performers, il-mużiċisti, il-kittieba u dawk
kollha fil-firxa wiesgħa ta’ talenti kreattivi�
Biex tgħin tieħu kemm tista’ mill-valur u l-influwenza
tal-kultura madwar Malta u Għawdex u biex tiżgura
li l-poter tal-kultura huwa utilizzat biex jindirizza
l-isfidi soċjali u ekonomiċi reġjonali, din l-istrateġija
għandha l-għan li:
→ Trawwem għarfien aħjar tal-irwol u l-valur tal-
kultura, li tibni fuq punti eżistenti b’saħħithom u
tippromwovi wħud emerġenti�
→ Tippromwovi investiment kulturali ekwu biex
kulħadd jibbenefika minnu u jaċċessa l-kultura,
irrispettivament mill-età, il-ġeneru, l-etniċità u
elementi oħra ta’ diversità�
→ Tixpruna tiġdid tal-assi tal-wirt kulturali – kemm
dawk mibnija kif ukoll dawk “intanġibbli” – li
jinkludu l-knejjes, il-każini tal-baned, il-festi
u l-festivals�
→ Tinvesti f’komunitajiet aktar impenjati, aktar
attivi, aktar b’saħħithom, u aktar kuntenti fejn
il-parteċipazzjoni attiva tal-kbar u ż-żgħar
f’attivitajiet kulturali diversi tkun in-norma�
→ Tippromwovi u tappoġġja kultura ta’
għajxien b’saħħtu u l-benesseri fi ħdan il-
komunitajiet tagħna�
→ Tiffaċilita t-tkabbir professjonali u
s-sostenibbiltà tal-artisti, in-negozji kreattivi u
l-organizzazzjonijiet li jikbru b’mod li jilħqu udjenzi
u swieq ġodda u akbar, u li taċċessa talent aktar
divers u rappreżentattiv tar-reġjun�
→ Taċċessa talent aktar divers u
rappreżentattiv tar-reġjun�
→ Issaħħaħ l-ekonomija kulturali biex iżżid il-valur
fuq l-ekonomija ġenerali billi tikkontribwixxi lejn
l-industriji kreattivi, it-turiżmu, is-settur diġitali
u x-xjenza�
→ Ittejjeb l-identità u l-esperjenza reġjonali,
tagħmilhom aktar dinamiċi, distinti u postijiet
pjaċevoli biex tkun fihom�
Żeffiena Folkloristiċi. L-Imġarr. Ritratt ta’ George Abdilla
15
14
Il-Kunsill Malti għall-Arti
Strateġija Kulturali Reġjonali - Tramuntana