Natalino Attard,
Direttur Ġenerali għall-Gvern Lokali
Wara l-aħħar proċess tar-Riforma tal-Gvern Lokali, u l-emendi
tal-leġiżlazzjoni tal-Gvern Lokali, il-Kunsilli Reġjonali ssaħħitilhom
il-bażi legali tagħhom u ngħataw aktar responsabbiltajiet importanti,
fosthom l-inklużjoni ta’ sett ta’ funzjonijiet definiti fl-Att dwar il-Gvern
Lokali. Il-kultura hija stabbilita f’dan il-mandat legali ġdid li jagħti s-setgħa
lill-Kunsilli Reġjonali biex ikunu strumentali fl-iżvilupp kulturali reġjonali.
-Istrateġiji Kulturali Reġjonali huma maħsuba
li jħallu impatt pożittiv fuq l-inizjattivi kulturali
mmexxija mill-komunità u l-programmi li
jindirizzaw għanijiet amibizzjużi biex jippermettu liċ-
ċittadini kollha li jgħixu Malta u Għawdex jipparteċipaw
b’mod attiv fil-kultura� Waqt li nissalvagwardjaw u
nippromwovu l-patrimonju kulturali rikk tagħna,
għandna nassiguraw ukoll li l-espressjoni kreattiva hija
ffaċilitata u ċċelebrata madwar il-komunitajiet diversi�
Dawn l-istrateġiji se jservu bħala qafas għall-Kunsilli
Reġjonali biex jikkollaboraw mal-Kunsill Malti
għall-Arti u jimplimentaw pjan ambizzjuż li jsaħħaħ
programmi eżistenti u joħloq inizjattivi ġodda�
L-istrateġiji jfittxu wkoll li jtejbu l-koordinazzjoni
bejn Kunsilli Lokali differenti għal inizjattivi
kulturali u jiffaċilitaw il-ħolqien ta’ opportunitajiet
għal kollaborazzjonijiet ġodda ma’ artisti, NGOs,
istituzzjonijiet kulturali u partijiet ikkonċernati oħra�
Nifraħ lill-Kunsilli Reġjonali għall-impenn tagħhom
biex jiżviluppaw dawn l-istrateġiji kulturali u
nirringrazzja lill-Kunsill Malti għall-Arti talli beda
dan il-proċess magħna� Aħna nibqgħu impenjati li
nappoġġjaw it-twettiq tal-Istrateġiji Kulturali Reġjonali
permezz ta’ mezzi varji, imma wkoll permezz tal-
Iskema għal Attivitajiet Kulturali eżistenti u riżorsi
oħra li se jiġu allokati mill-gvern fis-snin li ġejjin�
Albert Marshall,
Ċermen Eżekuttiv, Kunsill Malti għall-Arti
Għall-Kunsill Malti għall-Arti (KMA), dan il-proċess ta’ tmexxija
ta’ proġett lejn l-iżvilupp tal-Istrateġiji Kulturali Reġjonali kien
wieħed intwittiv, u dan filwaqt li kien hemm kollaborazzjoni u għalhekk
skambju ta’ għarfien mar-rappreżentanti tal-gvern reġjonali u lokali, diversi
organizzazzjonijiet, prattikanti kreattivi u partijiet ikkonċernati oħra.
an jirrifletti approċċ parteċipatorju għat-
twettiq ta’ politika kif ukoll enfasi strateġika
fuq il-komunitajiet diversi li jsawru
l-ekoloġija kulturali u kreattiva ta’ Malta� Il-viżjoni
u l-istrateġija tal-KMA se jibqgħu iffukati bis-sħiħ
fuq it-twettiq tal-Istrateġiji Kulturali Reġjonali,
waqt li jsostnu l-importanza tagħhom permezz
tal-integrazzjoni ta’ għanijiet strateġiċi relatati
speċifikament skont l-Istrateġija 2025 tal-KMA
li tnediet reċentament� Il-proċess konsultattiv, li
informa kemm lill-istrateġija msemmija kif ukoll
lill-Istrateġiji Kulturali Reġjonali, kien strumentali
fil-mod li l-Kunsill fittex jillokalizza l-prijoritajiet
stabbiliti fil-Politika Kulturali Nazzjonali� Din il-
politika hija bbażata fuq il-prinċipji tal-Konvenzjoni
dwar il-Protezzjoni u l-Promozzjoni tad-Diversità tal-
Espressjonijiet Kulturali tal-UNESCO tal-2005�
Il-kultura għandha rwol ċentrali fil-bini ta’
komunitajiet aktar b’saħħithom, sani u koeżivi,
waqt li tibqa’ integrali għas-soċjetajiet urbani u
rurali u katalista għall-iżvilupp sostenibbli� Dan
rifless f’numru ta’ Għanijiet ta’ Żvilupp Sostenibbli
bħall-Għan 11, li jirreferi direttament għall-ħolqien
ta’ spazji pubbliċi inklussivi u l-protezzjoni tal-wirt
u l-prattiki kulturali� Huwa fi ħdan dan il-kuntest
li l-KMA stinka lejn it-tfassil ta’ dawn l-Istrateġiji
Kulturali Reġjonali u ħa l-approċċ strateġiku ġenerali
li jappoġġja lis-setturi kulturali u kreattivi fuq livell
lokali u reġjonali�
L-iskambju komunitarju u kulturali huwa wieħed
mill-pilastri ewlenin li l-KMA kien qed jappoġġja u
jiffaċilita permezz ta’ diversi inizjattivi strateġiċi u ta’
finanzjament� Ix-xogħol huwa kontinwament għaddej
biex joħloq possibbiltajiet għal spazji kulturali lokali
biex iservu bħala postijiet ta’ skambju kulturali�
Permezz tat-tnedija ta’ dawn l-istrateġiji qed jiġi
rikonoxxut il-bżonn li jsir aktar biex titrawwem
il-bażi ta’ assi kulturali distinti u diversi ta’ kull
reġjun f’Malta�
Fis-snin li ġejjin, l-KMA għandu l-intenzjoni li
jiżviluppa u jinvesti aktar f’dawn l-oqsma strateġiċi,
flimkien ma’ oħrajn bħall-intraprenditorija, ir-riċerka,
l-internazzjonalizzazzjoni, l-edukazzjoni u l-iżvilupp
kulturali� It-trikkib ma’ setturi oħra bħal dawk tas-
saħħa, l-ambjent u l-aspetti soċjali se jingħata aktar
prominenza fi tweġiba għal urġenzi internazzjonali�
Wieħed għandu jirrikonoxxi li fehim sottili tal-assi
kulturali lokali huwa kruċjali biex l-KMA jirnexxilu
jilħaq u jesplora territorju ġdid� Fid-dawl ta’ dan,
wieħed jitħeġġeġ li jara dawn l-istrateġiji jissarrfu
f’azzjoni flimkien mar-realizzazzjoni tal-għan
strateġiku tal-KMA li jappoġġja l-benesseri kulturali
tar-reġjuni Maltin fis-snin li ġejjin�
Il-Kunsill Malti għall-Arti
Strateġija Kulturali Reġjonali - Tramuntana