L-Onorevoli Alison Zerafa Civelli
Segretarju Parlamentari għall-Gvern Lokali
Minkejja d-daqs diminuttiv tagħna, Malta għandha ħafna
x’toffri, kemm lir-residenti kif ukoll lill-viżitaturi tagħha. L-irħula
u l-villaġġi tagħna huma verament uniċi għax huma rikki fil-kultura u
l-patrimonju waqt li mdawra bil-Baħar Mediterran. Huwa għalhekk li
l-Kunsilli Reġjonali u Lokali tagħna huma verament konxji mill-importanza
li rridu npoġġu fuq il-protezzjoni u t-trawwim tal-kultura, il-patrimonju
u t-tradizzjonijiet lokali tagħna. Huma dawn flimkien li joħolqu r-ruħ tal-
bliet u l-irħula tagħna, tal-ambjent tagħna, u tal-arċipelagu sħiħ tagħna.
aqt li nżidu fil-valur tal-lokalitajiet
Maltin, irridu nieħdu li nistgħu mill-
għarfien espert tagħna waqt li nelevawh
biex ninkoraġġixxu lill-Kunsilli Lokali tagħna jużaw it-
talenti u l-għarfien tagħhom biex tissaħħaħ l-istorja
lokali, it-tradizzjonijiet u l-użanzi tagħna� B’dan
il-mod, nistgħu nippreservaw x’jagħmilna Maltin u
ngħadduh lill-ġenerazzjonijiet futuri għal snin sħaħ�
Il-Kunsilli Lokali tagħna huma sors kbir ta’ għarfien
reġjonali, u huwa għalhekk li huma parti integrali
tal-Istrateġija Kulturali Nazzjonali� Huwa biss
bil-parteċipazzjoni tagħhom li nistgħu nadattaw
għar-realtajiet ta’ kuljum tas-sitt reġjuni ta’ Malta
biex nintegraw il-komunitajiet, il-knisja, il-kumitati,
l-organizzazzjonijiet, l-artisti, il-kreattivi, il-klabbs
lokali u r-residenti biex flimkien jippromwovu u
jistimulaw il-kultura, it-tradizzjonijiet u l-istorja li
naqsmu flimkien�
Għalhekk, huwa ta’ pjaċir kbir għalija li nħabbar li
l-Ministeru għall-Wirt Nazzjonali, l-Arti u l-Gvern
Lokali qed jinvesti f’Managers Reġjonali fi ħdan il-
Kunsilli Reġjonali tagħna bħala riżorsa umana vitali�
Barra minn hekk, dawn qed jikkollaboraw mill-qrib
mal-Koordinatur Kulturali Reġjonali tal-Kunsill
Malti għall-Arti�
Inħossni ħerqana u eċitata bil-ħsieb li nara attivitajiet
kulturali lokali u inizjattivi ta’ kwalità għolja,
iffaċilitati mill-Kunsilli Lokali tagħna� Fuq kollox,
ninkoraġġixxi lir-residenti u l-komunitajiet tagħna
biex jipparteċipaw u jieħdu l-opportunità biex
jitgħallmu minn dawn l-esperjenzi u jħaddnu t-talent
lokali u l-istorja u l-patrimonju tagħna li jagħmluna
verament Maltin�
Kelmtejn Qabel
L-Onorevoli Owen Bonnici
Ministru għall-Wirt Nazzjonali, l-Arti u l-Gvern Lokali
Il-proġett Provvista ta’ Żvilupp ta’ Strateġija Kulturali u
Implimentazzjoni għall-Kunsilli Lokali u Reġjonali mmexxi mill-Kunsill
Malti għall-Arti f’kollaborazzjoni mad-Diviżjoni tal-Gvern Lokali u l-Assoċjazzjoni
tal-Kunsilli Lokali huwa kisba importanti għall-iżvilupp kulturali f’Malta. Inħossni
kburi ninnota li dan il-proġett twettaq b’suċċess bħala parti mill-proġett Create
2020 b’investiment ta’ miljun ewro mill-Fondi Strutturali u ta’ Investiment
Ewropej 2014 – 2020 fil-ħiliet kulturali u kreattivi fis-settur pubbliku Malti.
-Istrateġiji Kulturali Reġjonali huma pass
ieħor fl-impenn tal-gvern biex jiddiċentralizza
l-attività kulturali u jagħti s-setgħa lil
aktar komunitajiet lokali biex imexxu l-iżvilupp
kulturali� Barra minn hekk, l-istrateġiji jibnu fuq
il-kollaborazzjoni mill-aqwa bejn istituzzjonijiet
fi ħdan il-Ministeru għall-Wirt Nazzjonali, l-Arti u
l-Gvern Lokali, b’kontribuzzjonijiet validi minn esperti
kulturali u mijiet ta’ partijiet ikkonċernati li ħadu
sehem fil-proċess�
Il-kultura hija mandat legali vinkolanti kemm għall-
Kunsilli Lokali kif ukoll għall-Kunsilli Reġjonali, u permezz
tar-riforma riċenti tal-2019, dan ġie msaħħaħ aktar� Dan
kollu ġie mfassal id f’id mal-Kunsilli Lokali u Reġjonali,
kemm il-proċess li wassal għat-twaqqif tal-Istrateġiji
Kulturali Reġjonali, kif ukoll l-għodod li ngħataw
għat-twettiq tagħhom, li huma eżempji tanġibbli ta’
governanza parteċipatorja� Riżultat ta’ dan, issa r-Reġjuni
jistgħu jidentifikaw prijoritajiet kulturali li huma bbażati
fuq l-evidenza u adattati għall-identitajiet kulturali uniċi
fuq livell lokali, reġjonali u nazzjonali�
L-Istrateġiji Kulturali Reġjonali se jiffaċilitaw u jtejbu
l-ġestjoni tar-riżorsi tal-infrastruttura kulturali lokali
u għalhekk se jżidu l-opportunitajiet għall-kultura u
l-kreattività, u jagħmluhom ukoll aktar aċċessibbli�
Jiena kunfidenti li t-taħriġ li ngħata lill-Kunsilli Lokali u
Reġjonali kollha se jappoġġja l-istrutturi amministrattivi
tal-Gvern Lokali biex iwettqu l-Istrateġiji Kulturali
Reġjonali� Il-gvern jibqa’ impenjat li jappoġġja lill-
Kunsilli Reġjonali u l-kollaboraturi tagħhom biex
iwettqu dawn l-istrateġiji għax jemmen bis-sħiħ li
l-kultura hija komponent essenzjali tal-benesseri tal-
komunitajiet tagħna�
Ninkoraġġixxi lill-Kunsilli Reġjonali biex jikkollaboraw
bis-sħiħ mal-Kunsill Malti għall-Arti u jsarrfu dawn
l-istrateġiji f’azzjonijiet tanġibbli, effettivi u sostenibbli
li jħallu impatt pożittiv fuq il-Kunsilli Lokali, l-NGOs,
il-prattikanti kreattivi u l-partijiet ikkonċernati oħra
li huma involuti fis-setturi kulturali u kreattivi� Il-ġid
tal-wirt kulturali, id-diversità tal-komunitajiet tagħna u
t-talent eċċezzjonali tal-poplu tagħna huma assi għas-
sostenibbiltà tar-reġjuni tagħna� Flimkien, nistgħu
nassiguraw li l-iżvilupp tat-talent u tal-udjenza, u
l-innovazzjoni tal-patrimonju, stabbiliti bħala t-tliet
temi trasversali ta’ dawn l-istrateġiji, se jwasslu għal
aktar żvilupp kulturali kollaborattiv u mmexxi mill-
komunità f’Malta u Għawdex�
Il-Kunsill Malti għall-Arti
Strateġija Kulturali Reġjonali - Tramuntana