4.2.
L-analiżi SWOT għar-Reġjun Tramuntana
Dawn huma xi sejbiet ewlenin mill-eżerċizzju ta’
riċerka u konsultazzjoni li informa din l-istrateġija:
Il-Preġji
Id-Dgħufijiet
→Assi ta’ wirt kulturali – ir-reġjun huwa rikk ħafna f’dan
l-aspett, b’ammont bla tarf ta’ assi tanġibbli u intanġibbli.
Dawn l-assi jistgħu jintużaw aħjar biex itejbu l-involviment
kulturali fil-komunitajiet.
→Bilanċ bejn żoni rurali u urbani – ir-reġjun magħruf għaż-żoni
rurali tiegħu li għandhom uħud mill-aktar pajsaġġi tradizzjonali
ta’ Malta u jinkludu diversi tipi ta’ flora u għelieqi agrikoli li
jipprovdu xenarju sabiħ.
→Kollaborazzjoni u sens ta’ ħbiberija bejn il-komunitajiet fil-qalba
– ħafna mil-lokalitajiet fir-reġjun għandhom sens qawwi ta’
komunità li jmur lura ġenerazzjonijiet sħaħ. Waqt li dan jista’
jagħmilha diffiċli għal ġenerazzjonijiet ġodda u komunitajiet li
qed jidħlu fir-reġjun biex jintegraw, is-saħħa tal-komunità tista’
titrawwem bħala waħda mill-assi għar-residenti kollha.
→Diversità kulturali – id-diversità kulturali distinta fir-reġjun
tiġġenera ħafna opportunitajiet ta' skambju kreattiv kif ukoll
l-iżvilupp ta’ programmi kulturali ġodda. Il-bilanċ bejn il-
komunità tradizzjonali lokali u l-komunitajiet aktar ġodda diversi
jista’ jkun ta’ preġju reali fi ħdan ir-reġjun.
→Jidher li hemm "mentalità parrokkjali" u xi wħud jirreżistu li
jħaddnu l-bidla – waqt li s-sens ta’ komunità jista’ jkun preġju,
jista’ wkoll jikkawża tensjoni u skuntentizza, speċjalment fejn
jidħlu tressiq ta’ proposti li jħarsu ’l quddiem.
→Nuqqas ta’ kapaċità kulturali u organizzattiva – pereżempju,
jidher li hemm għarfien espert limitat fit-tmexxija ta’
avvenimenti u l-fehim kulturali u kreattiv. Minkejja li hemm
impetu b’saħħtu biex jinħolqu avvenimenti għall-komunità, il-
Kunsilli Lokali għandhom fehim u għarfien limitat tat-tmexxija
tal-avvenimenti u ta’ kif jiġu involuti l-udjenzi.
→Sistema li hija ċentralizzata ġmielha u mmexxija mill-Gvern
Ċentrali – konverżazzjonijiet mal-partijiet ikkonċernati lokali
żvelaw tħassib komuni fuq kif topera s-sistema ta’ governanza
nazzjonali preżenti. Il-livell għoli ta' ċentralizzazzjoni huwa
meqjus ta' tfixkil għall-operat ta’ kuljum u għall-iżvilupp
organizzattiv prospettiv tal-lokalitajiet u r-reġjuni.
→Nuqqas ta’ għarfien fuq l-assi lokali u l-interessi tal-komunità –
meta jitqies l-iskambju kulturali limitat bejn il-komunitajiet, u
n-nuqqas storiku ta’ tfassil u promozzjoni tal-assi, l-assi kulturali
għadhom ma jitqisux bħala riżorsa ewlenija għall-iżvilupp tal-
komunità u tar-reġjun.
→Prijoritajiet diverġenti (bejn ir-reġjun u l-lokalitajiet; bejn
lokalitajiet differenti) – il-prijoritajiet tar-reġjun u tal-lokalitajiet
mhumiex dejjem allinjati, minħabba l-ispeċifiċitajiet tal-
lokalitajiet. Ir-relazzjonijiet bejn ir-Reġjun u l-Kunsilli Lokali
differenti u bejn il-lokalitajiet infushom, kultant ikunu f’tensjoni,
b’kull lokalità tillobbija għall-għanijiet tagħha.
→Komunitajiet maqtugħa u nuqqas ta’ konnessjoni mal-programm
kulturali – normalment, residenti mhux Maltin ma jinvolvux
ruħhom b’mod attiv fl-attivitajiet kulturali organizzati mill-
Kunsilli Lokali. Skont ir-riċerka, huwa evidenti li l-avvenimenti
organizzati mill-Kunsilli Lokali huma influwenzati ħafna mill-
politika ta’ identità, li għalhekk jirriflettu n-narrattiva kulturali
dominanti tal-“identità Maltija” – u dan iwassal għal nuqqas ta’
rappreżentanza f’termini ta’ diversità u identitajiet multipli. Dan
dejjem iżid aktar il-qasma bejn il-komunitajiet intrinsikament
lokali u oħrajn li jħossuhom maqtugħa.
25
Il-Kunsill Malti għall-Arti