nofs (67%) kienu ġestiti flimkien ma’ NGOs lokali
waqt li l-bqija (33%) kienu organizzati mill-Kunsilli
Lokali waħedhom.
Ir-riżultati tal-istħarriġ urew ukoll li ġeneralment
il-Kunsilli Lokali fir-reġjun iħossu livell għoli ta’
sjieda tal-assi lokali. Dan jista’ jkun minħabba li
jmexxu waħedhom jew f’kollaborazzjoni ma’ xi
ħaddieħor ħafna mis-siti storiċi u l-ispazji pubbliċi
fir-reġjun. Dan huwa wkoll evidenti fit-tweġibiet li
r-rappreżentanti tal-Kunsill Lokali taw fl-istħarriġ,
fejn urew li jħossuhom mogħtija s-setgħa biex
jindirizzaw prijoritajiet kulturali tal-lokalità.
F’termini ta’ attendenza għall-wirjiet tal-arti, libreriji,
kunċerti u spettakli live, ir-Reġjun Tramuntana
jirreġistra l-akbar persentaġġ mir-reġjuni kollha
(36%) (Uffiċċju Nazzjonali tal-Istatistika, 2017).
L-aktar livelli baxxi ta’ attendenza kienu għal
spettakli ta’ żfin (16%); persentaġġ li xorta huwa
ogħla mill-medja nazzjonali. Il-parteċipazzjoni
ġenerali f’attivitajiet tradizzjonali bħall-
purċissjonijiet tal-Ġimgħa l-Kbira, il-Festi Nazzjonali
Pubbliċi, u l-Karnival, li kienet anqas mill-medja,
tista’ tkun spjegata parzjalment mill-fatt li fir-reġjun
hemm numru kbir ta’ residenti mhux Maltin.
24
Strateġija Kulturali Reġjonali - Tramuntana