6.
Konklużjoni
Din l-Istrateġija Kulturali għar-Reġjun Tramuntana tenfasizza l-irwol
li għandha l-kultura fl-iżvilupp ta’ din il-parti distinta ta’ Malta, u
tipprovdi r-razzjonal għal approċċ reġjonali aktar b'saħħtu fejn jidħlu
l-governanza, l-investiment u t-twettiq marbuta mal-kultura.
ija għandha l-għan li toħloq aktar
opportunitajiet għall-kollaborazzjoni
bejn il-partijiet ikkonċernati, waqt li tieħu
kemm tista’ mir-riżorsi aċċessibbli. L-Istrateġija
tfittex li tibni kapaċità fl-organizzazzjonijiet u
l-komunitajiet kulturali, biex tiftaħ il-parteċipazzjoni
u l-ipprogrammar kulturali sabiex id-diversità
kulturali tar-Reġjun dejjem tikber, u tiġi mħaddna
aktar bis-sħiħ.
It-twaqqif tal-Kumitat Kulturali Reġjonali biex
jassigura governanza parteċipatorja, huwa maħsub
biex joħloq aktar linji diretti ta’ komunikazzjoni bejn
il-lokalitajiet, kif ukoll li jiffaċilita rappreżentazzjoni
aħjar tal-komunitajiet fil-proċessi tat-teħid tad-
deċiżjonijiet. F’dan il-kuntest, jeħtieġ ikun hemm
kollaborazzjoni interreġjonali akbar, partikolarment
meta jitqiesu l-bidliet li saru fil-fruntieri tar-reġjun –
li qabel kienu jinkludu “It-Tliet Irħula” (Ħ’Attard, Ħal
Lija u Ħal Balzan), imma li issa jeskludu lil Ħal Lija.
Bl-istess mod, għandu jkun hemm sħubijiet strateġiċi
bejn irħula u villaġġi oħra li r-reġjun diġà jikkollabora
magħhom bħan-Naxxar u Ħal Għargħur.
Permezz tat-trawwim ta’ prattiki ta’ governanza
tajba, il-Kumitat Kulturali Reġjonali se jtejjeb
il-possibbiltà li jagħmel differenza u jżid
l-apprezzament tal-kultura u l-arti madwar ir-reġjun.
Jekk ikun ta’ suċċess, l-iżvilupp ta’ prattiċi bħal dawn,
jistgħu mbagħad jiġu ffaċilitati madwar u fi ħdan
il-lokalitajiet u, hekk, tinħoloq sistema interkonnessa
ta’ proċessi ta’ riċerka u żvilupp maħsuba sabiex
ittejjeb id-deċiżjonijiet li jittieħdu fuq kull tip ta’
kwistjoni, anke lil hinn mill-kultura.
L-irwol tal-Uffiċjal Kulturali Reġjonali,
f'konsultazzjoni mal-Koordinatur Kulturali Reġjonali,
huwa essenzjali biex jissorvelja dawn l-azzjonijiet
proposti u jassigura wkoll li l-konsulenza u
l-għarfien espert huma disponibbli għar-reġjun
biex jiffaċilitaw il-ġbir tad-data, il-ġestjoni u
l-ippjanar tal-avvenimenti u l-kisba ġenerali tal-miri
maħluqa mill-istrateġija.
29
Il-Kunsill Malti għall-Arti