Ħ’ATTARD
ĦAL BALZAN
IL-MELLIEĦA
L-IMĠARR
IL-MOSTA
IN-NAXXAR
SAN ĠWANN
SAN PAWL
IL-BAĦAR
L-IMTARFA
REĠJUN TRAMUNTANA
WERREJ
Messaġġ tal-President
Is-Seba’ Visti
Ħ’Attard
Ħal Balzan
Il-Mellieħa
L-Imġarr
Il-Mosta
In-Naxxar
San Ġwann
San Pawl Il-Baħar
Burmarrad
Paġna 4
Paġna 6
Paġna 24
Paġna 28
Paġna 33
Paġna 38
Paġna 41
Paġna 92
Paġna 108
Paġna 111
Paġna 113
MESSAĠĠ
TAL-PRESIDENT
Għal sena oħra, ir-Reġjun Tramuntana ħaseb li jerġa’
jippubblika d-Direttorju tal-wirjiet u attivitajiet marbuta ma’
żmien il-Ġimgħa Mqaddsa. Żmien li apparti li fih is-sinifikat
reliġjuż tiegħu, intuh importanza wkoll mill-aspett kulturali.
Din hija t-tielet edizzjoni. Jidher li ntlaqa’ tajjeb minnkom u li
sibtuh utli wkoll apparti l-fatt, li ktejjeb ipprintjat għad jiġi sors
‘il quddiem meta jgħaddu s-snin u nkunu qed nikkontribwixxu
għall-istorja miktuba.
Il-Ġimgħa Mqaddsa f’pajjiżna taf il-bidu tagħha lura sew fis-
snin; propju minn żmien il-Kavallieri tal-Ordni ta’ San Ġwann.
Purċissjonijiet bis-Salib a fini ta’ storja, imorru lura għas-seklu
17 imma forom ta’ purċissjoni, diġà kienu bdew jiffurmaw lejn
l-aħħar tas-seklu 16. Sal-lum, dawn għadhom isiru b’għożża u
b’passjoni anke jekk forsi l-progress, biddel il-format jew inkella
żid ma’ dak eżistenti minn tant żmien ilu.
Huwa fi dmirna li nsostnu dawn it-tradizzjonijiet kulturali
għaliex dawn ituna identità unika. Fir-Reġjun Tramuntana
għandna lokalitajiet bil-purċissjoni tal-Ġimgħa Mqaddsa imma
fejn ma hemmx, issib wirjiet u attivitajiet oħra bħal drammi tal-
passjoni u esebizzjonijiet mill-ifjen.
Gawdu dawn il-mumenti u xerdduhom ħalli jitkattru. Nieħu l-
okkażjoni biex f’ismi, f’isem is-Segretarju Eżekuttiv u l-istaff u l-
membri tal-Kunsill Reġjonali, nawguralkom l-Għid it-tajjeb.
For another year, the North Region thought to publish again the
Directory of exhibitions and activities linked to the time of Holy
Week. A time in which apart from its religious significance, it is
also important from a cultural point of view. This is the third
edition. It seems that it was well received by you and that it was
also found to be useful apart from the fact, that a printed
booklet will still come forward as a primary source when the
years pass. For this reason, we will be contributing to the written
history.
The Holy Week in our country knows its beginning well back in
the years; right from the time of the Knights of the Order of St.
John. Historically, processions with the Cross go back to the 17th
century but forms of procession had already begun to form
towards the end of the 16th century. To this day, they are still
done with love and passion even if perhaps progress has
changed the format or added to the existing one from so long
ago.
It is our duty to support these cultural traditions because they
give us a unique identity. In the Northern Region we have
localities with the Holy Week procession but where there is not,
you will find shows and other activities such as passion plays
and the finest exhibitions.
Enjoy these moments and spread
them so that they grow stronger. I
take the opportunity to wish you a
happy Easter on my behalf, on
behalf of the Executive Secretary
and the staff and also the
members of the Regional Council.
Clifford Galea Vella Maslennikov
M.A Baroque Studies (melit.), B.A (Hons)
History (Melit.), PGCE, Dipl. LCM, OSJ, OMLJ
President - Reġjun Tramuntana
IS-SEBA' VIŻTI
LILL-ĠESÙ EWKARISTIJA
Ninsabu fil-bidu tat-Tlett Ijiem Qaddisa tal-Ġimgħa Mqaddsa li
jwassluna għaċ-ċelebrazzjoni tal-Għid il-Kbir. Il-Knisja trid
tfakkarna fit-Tlett Misteri kbar li wettaq għalina Ġesù:
Il-misteru tal-Imħabba Infinita tiegħu li xhieda tagħha hi l-
Ewkaristija
Il-misteru tat-tbatija u l-mewt ta’ Kristu li Hu sofra għal
dnubietna
Il-misteru tal-qawmien tiegħu mill-imwiet.
Kif ninsabu miġburin f’riġlejn Ġesù fis-Sagramment
tal-Ewkaristija niftakru f’dak is-SagrAmment li permezz tiegħu hu
ried jibqa’ magħna matul iż-żmenijiet bħala faraġ għalina u bħala
ikel ta’ ruħna.
Nitolbu:
Ġesù għinna nagħrfu kemm nistgħu il-misteru ta’ mħabbtek kif
fissirtulna inti stess f’dan is-Sagramment ta’ l-Ewkaristija.
O Marija ieqaf magħna biex nifhmu l-imħabba u tbatijiet ta’ Ibnek
Ġesù.
L-EWWEL VIŻTA
Nadurawk o Ġesù u mberkuk, għax b’salibek, il-mewt u
l-qawmien tiegħek inti fdejtna.
Ġesù hu l-ikel ta’ Ruħna
Qari mill-Vanġelu ta’ San Ġwann (VI, 62-565)
Bdew il-Lhud jiġġieldu bejniethom u jgħidu: Kif jista’ dan jagħtina
ġismu?” Qalilhom Ġesù: “Tassew, tassew ngħidilkom, jekk ma
tiklux ġisem Bin il-Bniedem u ma tixorbux demmu, ma jkollkomx
il-ħajja fikom. Min jiekol ġismi u jixrob demmi jkollu l-ħajja ta’
dejjem u jien inqajmu mill-imwiet fl-aħħar jum. Għax ġismi hu
ikel tassew, u demmi hu xorb tassew. Min jiekol ġismi u jixrob
demmi, jibqa’ fija u jiena fih”.
Nirriflettu fuq din is-silta mill-Iskrittura
Invokazzjonijiet
1. Ġesù iben Alla l-Ħaj, inti sirt bniedem bħalna u għammart
fostna. Ibqa’ magħna għal dejjem.
2. Ġesù inti xandart il-Bxara t-Tajba lill-bnedmin kollha biex
jagħrfu aħjar ‘l Alla u jagħmlu r-rieda tiegħu. Ibqa’ magħna għal
dejjem.
3. Ġesù inti tinsab b’mod ta’ l-għaġeb fis-SagrAmment tal-
Ewkaristija. Ibqa’ magħna għal dejjem.
4. Ġesù inti trid li fit-Tqarbin isseħħ il-għaqda sħiħa tagħna
miegħek. Ibqa’ magħna għal dejjem.
Missierna, Sliema, Glorja
Ħsieb:
Nitolbu għal dawk l-erwieħ li m’għandhomx mħabba lejn Ġesù
Ewkaristija. Inpattu għal dawk in-nuqqasijiet tagħna u ta’ sħabna
meta noffendu lil Ġesù b’nuqqas ta’ rispett fi kliemna u
f’għemilna.
Kant: Nadurawk ja ħobż tas-sema
Nadurawk ja Ħobż tas-sema.
Frott l-imħabba l-iżjed bnin,
Għalik l-anġli dlonk titniehed,
Inti l-hena tal-bnedmin.
Rit. Nadurawk ja Ħobż tas-sema,
Frott l-imħabba l-iżjed bnin.
IT-TIENI VIŻTA
Nadurawk o Ġesù u mberkuk, għax b’salibek, il-mewt u
l-qawmien tiegħek inti fdejtna.
Ġesù għandu l-kliem tal-ħajja ta’ dejjem
Qari mill-Vanġelu ta’ San Ġwann (VI, 66-69)
Minn dak il-waqt ħafna mid-dixxipli tiegħu telqu lura u ma
baqgħux jimxu warajh. Imbagħad Ġesù qal lit-tnax: “Tridux
tmorru intom ukoll?” Wieġbu Xmun Pietru : “Mulej, għand min
immorru? Inti għandek il-kliem tal-ħajja ta’ dejjem, u aħna
nemmnu u nafu li Int il-Qaddis ta’ Alla”
Nirriflettu fuq din is-silta mill-Iskrittura
Invokazzjonijiet
1. Missier Qaddis, fl-imgħoddi inti kellimtna permezz tal-profeti u
fl-aħħar kellimtna b’Ibnek stess; ta’ dan. Irrodulek ħajr Mulej.
2. Missier l-aktar għaref, Inti bgħattilna l-Ibnek il-għażiż biex ikun
għalina, it-Triq, il-Verita’ u l-Ħajja; ta’ dan. Irrodulek ħajr Mulej.
3. Missier l-aktar ħanin, inti tajtna l-Ibnek il-għażiż biex iħabbrilna
l-Wisa’ u l-Fond bla qjies ta’ mħabbtek; ta’ dan Irrodulek ħajr
Mulej.
4. Missier Twajjeb, Ibnek ħallielna l-Knisja biex tkun għalina Omm
u Għalliema matul iż-żmenijiet; ta’ dan Irrodulek ħajr Mulej.